星期六、 日: 長隆兩日一夜旅行。唉...對於大陸的印象都麻麻。好賤的...拖鞋都有人偷。4 對放埋同一個架度...叠住黎放...都偷走我0個對...最後一個水上活動架啦....都逃唔過被人偷的命運。愛迪達對內地同胞來說，真係為人熟悉。唉!!!!那是josie 送比我的生日禮物。josie...對唔住...
星期一: 同婆婆補食生日飯。不過這是正日生日，都唔可以叫補祝。哈哈
星期二: buffet; 畢業同學們的小聚。學習慳家的精神，努力地找到了coupon。我那晚食的野唔多，番到屋企好似仲有點餓呢。好唔開心呢...食唔到最愛的士多啤利味的haggen dazs。
星期三: 十點放工。做到咁上下，幫老闆買埋飯一齊食。
星期四: 十一點放工。一路做...一路留意著天文台的廣播...一個厲害的颱風打到黎香港...從天氣圖來看，正正蓋著整個香港。路邊消息都指出，會有九號的可能。從前會期待打風，因為會有一日的假期。但今次一反常態，希望打不成，希望番工。因為手頭上的工作真的很多。放一日假就少了一日的時間做野。唉~~可悲! 同事們都為我做好防風措施，特意地買了一個external hard disk 比我，使我可以將所有files 拎番屋企做...他們對我真係好.....唉~~ 不過老闆又幾識做人的，知我地會做得夜，0係sogo 買了好多壽司比我地食，唉...雖然想番屋企多d，但係明知無得早走，有呢餐慰勞宴都好啦!! 我仲食得好飽呢! 哈哈!!
星期五: 9號風球打到黎。下午起身就埋頭趕工。晚飯時間都有不停的電話要我做野。直至9 點先"放工"...唉~
星期六: 充實的週末。雖然一整個星期的ot，但係都特意迫自己早起身去婚紗展。完成了我們定下的目的-
訂了婚紗相的packages 同日期; 去柏麗灣新的studio 影，好期待呢。都可算係最新的一批人去那裡影。哈哈。話就話表妹可以幫手，有個熟人好一點，但係又怕成日麻煩人，都唔係好敢打比佢咁多次。另外，亦都可能會找朋友幫影一輯室外的。辛苦就辛苦了一點，但一生人一次，我想留低一d 靚相留念。濕地公園、大埔海濱公園、火車博物館都係考慮之列。
訂了結婚當日的大會攝影; 個promotor 好好笑。當解釋有咩附送的禮物時，比我地踢爆其實唔係著數野時，佢尷尬的笑，仲叫我地唔好咁大聲。哈哈...
(意外地) 訂了喜帖; 本想著做呢行，理應自己一手包辦設計，但一來時間問題，二來價錢問題，都係買現成的實惠一點。或者額外自己整張卡仔夾埋落去都仲著數。
行埋家居展。好多人為了贈品就一窩蜂的圍住個booth。有的甚至跑埋去拎贈品呢。其實我都想拎的，但比人拉走左了...哈哈....
完成晒所有的目的，走了，撞到一個朋友，原來佢都唔聲唔聲地去睇婚紗展，都計劃緊結婚。哈哈，恭喜晒丫。
跟住去了睇mummy3。都幾好丫...不過其實呢個故仔係可以改做港產片或是中國片都可以。
星期日: 一對好朋友的大日子。好戥他們高興。兩家人又相處融洽。教堂又寧靜舒服。哈哈...結婚?! 唔係吧!!! 哈哈...不過我相信呢一件大事對你地黎講比結婚還要緊張。有哭有笑...哈哈...為了你地的重生而感到高興。
我影了好多相，亦為auntie們影了相，不過auntie好得意....好好笑...."影相好叻的，唔係影我地，映埋後面個景，好靚的"....係讚我的吧...係咪?! 哈哈....
事後你地兩家人去食飯，我地又跟著去，好似怪怪的，唔係幾好意思吧。不過氣紛都相當好。哈哈...你地快d 結婚啦。好期待你地的婚禮、小朋友，一定會比我們還要好的。呵呵...係時候了....快d快d快d快d、加油、努力、加油、努力、加油、努力....
No comments:
Post a Comment