9月

好緊湊的一個月份。

有不同的節目。

9 月6 日

南丫島一日遊

從香港仔出發，但係那天真的好眼訓，禁不住要眠一眠~

由於要等其中一個朋友，於碼頭的一間餐廳食個tea 吧，但那間餐廳很奇怪，我們對著張單計數時，發現貴了很多，便問待應如何計出來，著他拿出餐排來對質時，他死都唔肯拿出來給我們，只是話減你們$10吧....其實我好想堅持追問的，但都是算吧...心情大靚...放過他吧~哈哈~

(特別加映:與周潤發相遇，基於不打擾他和朋友的傾談，及之前於中環都與他合照過，所以並沒有追著他合照吧...)

行山

雖是行山，但我都全身濕透，朋友們都說我似是游完水一樣。哈哈。

雖是辛苦，但我真是開心，因為可以映到很多相，而且天氣都很好。

雖是無太陽光極照，但都有藍天白雲，亦沒有下雨 (沙田、大埔、尖沙咀等地都下雨)

海鮮

美味。但瀨尿蝦頗貴，一次都可以吧...哈哈~~

9 月7日
尖沙咀一日遊

為了堂家姐的婚禮，我特意去買一件飲衫。由於家人的壓力、大伯的威嚴，不得不給予很大的壓力去選擇這件飲衫。多謝mei mei 陪了我一日。我都知我比左好多麻煩你吧。對唔住~~

唉...平時都不太喜愛行街買衫的，行到腳仔軟都未買到，而且我又太揀擇了，黑色又唔會選擇、太貴又唔會選擇、太causal太隆重又唔會選擇、平時著得番就最好....哈哈...

結果都係算....心情十分差，好唔開心的....一心打算買到....結果那種失望真係惱人....

9 月8日
銅鑼灣之夜

心情還未好過來，找來另一個好朋友、好姊妹幫手。而且有人知我唔開心，特意地陪我們去買呢。嘻~~

我們很快地己鎖定兩條裙吧。
走進第一間店，試了好耐，都好似幾合心水，價值 $468，但結果都係無買到，因為都係覺得其他店總有好一點的。
走上兩層，見到剛才的裙，還有一條深綠色的，我個人頗為喜愛，哈哈。但他們話淺色較好。結果決定買吧，而且這店有折呢。哈哈....但係由於沒有新的，開頭都打算壓佢價買左佢，但係佢批晒口，都是唔好吧，結果都沒有要到。
最後都係走番第一間店吧了! 原來都有折，仲平過我開的價。呵呵~~那就即買啦!! 哈哈! 但很奇怪，display 的顏色係錯版，所以新的係較它淺色，個人來講，我都是喜愛錯版的顏色。但他們又話都幾好，結果都係買了。但係鞋及袋就未買到....第二日再買吧...

好朋友、好姊妹要回家吃飯，打算請佢食飯多謝佢都唔可以。那就我們撐枱腳吧...哈哈。去了餐廳...剛坐下，佢同我講: 你堂家姐丫...，我以為佢講笑，再比我壓力，結果望過隔兩張枱，真係堂家姐同姐夫兩個人，好橋丫、好得人驚丫....佢前一日先落機，居然咁都撞到，仲要咁近，結果我地4 個坐埋一齊食飯。

9 月9日
黃子華舞台劇

黃子華的演出必是好朋友、好姊妹的熱捧對象，而我們都有少少興趣的。好耐無睇舞台劇了。中學時代，很多時都同mei mei、紙皮、孖聶去睇舞台劇。有不少回憶，最難忘的是一套以鐵達尼做藍本的舞台劇，它的座位並不是一排排的椅，而是一張張的床，以切合其船艙的主題。

黃子華主的舞台劇，還有另外2 位主角。講的是朋友之間的關係。
很喜歡陳淑儀呢位資深舞台劇演員。

記得的: "無所謂" 是對那樣野唔care
"你喜歡咪得lor " 比"無所謂"還要差

(p.s. 經過鞋店，買了一對合我飲衫的一對鞋，好多時刻意去找，是較難找到的...)

9 月10日
昂貴的午飯

請一個鐘假，去了上環。簽下一大筆的債項。哈哈....

行過橫街，見到我的飲衫，價錢平都唔信...唉...不過如果我0係這處見到先都未必會買吧。因為它的display 唔吸引....

9 月12日
家好月圓慶中秋

由於南丫島講開兒時玩意...結果中秋聚會大玩康樂棋、飛行棋、竹簽、七級豬、Killer的玩意...還備有燈籠月餅以供映相...

康樂棋第一個勝出...玩公仔自娛...哈哈...

真開心...又平又好玩的集體遊戲...亦是大家的集體回憶...

還有什麼玩意呢？!哈哈...下次繼續...哈哈...

9 月13日
堂家姐婚宴

還不錯吧...買衫籌備了好幾日...終於成套著出來示人吧...哈哈...

家姐所著的婚紗晚裝好靚...等我都去同一間看看吧...

9 月14日

中秋節正日

好累...沒有出街...應該是最後一年正日0係屋企過節...所以都特別預定留0係屋企陪家人...估不到...還有大伯、伯娘、五叔都一齊上黎食飯過節0係但我有點唔舒服...所以有好幾次都入房偷訓...嘻...

9 月15日

驗樓

一早起身去驗樓...其實都無咩好驗...都比晒錢...(估唔到有人咁細心的，畫了張平面圖...嘻)之後大家一齊粗略度了全屋尺寸...然後去了ikea攞靈感...一齊開開心心的砌間屋...由於唔係好舒服...都係番屋企休息下...但番到去，都放唔低間屋的裝修...都係一齊用電腦去砌番個合比例的平面圖...嘻...

9 月16日
重大日子

得來不易...對唔住...呢期太多事情要處理吧...沒有預備和你慶祝...沒有買禮物比你...不過往後的日子你要走也走不了...來日方長吧...哈哈...

注定的吧，時間配合得相當好，是個天送給我們的一份大禮物。